Cymunedau Ffyniannus Wrecsam Cronfa Allweddol

Yn darparu cefnogaeth i leoliadau/cyfleusterau/mannau/grwpiau a arweinir gan y gymuned a/neu sy’n eiddo i’r gymuned i ddatblygu, cryfhau a gwella seilwaith cymunedol a phrosiectau cymunedol. Mae’r gronfa’n darparu swyddogaeth cymorth cofleidiol i grwpiau cymunedol gael mynediad at Gronfa Allweddol Gymunedol. Mae’r prosiect hefyd yn cynnig cymorth ac arweiniad swyddogion.

Y Nod:

Lledaenu cyfleoedd a gwella gwasanaethau cyhoeddus, yn enwedig yn y mannau hynny lle maent ar eu gwannaf
Adfer ymdeimlad o gymuned, balchder lleol a pherthyn, yn enwedig yn y mannau hynny lle maent wedi’u colli
Grymuso arweinwyr a chymunedau lleol, yn enwedig yn y mannau hynny sydd heb asiantaeth leol

Yr Amcanion:

Cryfhau ein gwaead cymdeithasol a meithrin ymdeimlad o falchder a pherthyn lleol, trwy fuddsoddi mewn gweithgareddau sy’n gwella cysylltiadau ffisegol, diwylliannol a chymdeithasol a mynediad i amwynderau, er enghraifft seilwaith cymunedol a mannau gwyrdd lleol, a phrosiectau a arweinir gan y gymuned.
Adeiladu cymdogaetahu gwydn, iach a diogel, trwy fuddsoddi mewn lleoedd o safon y mae pobl eisiau byw, gweithio, chwarae a dysgu ynddynt, trwy welliannau wedi’w targedu i’r amgylchedd adeiledig a naturiol dulliau arloesol o atal trosedd.

Pwy all Ymgeisio:

Gall y mathau canlynol o sefydliadau wneud cais am arian sy’n darparu neu’n ceisio darparu mynediad i wasanaethau a arweinir gan y gymuned a seilwaith cymunedol ar gyfer cymunedau ar draws Wrecsam:

Grwpiau gwirfoddol a chymunedol
Cynghorau Cymuned / Cynghorau Tref
Elusennau Cofrestredig
Mentrau cymdeithasol, gan gynnwys cwmnïau cyfyngedig drwy warantau, CIC’s ac Ymddiriedolaethau Datblygu, ar yr amod eu bod yn gweithredu ar sail nid er elw (gan gynnwys undebau credyd)
Cwmnïau Cydweithredol

Gall cynigion prosiect gael eu gwneud gan gonsortiwm o grwpiau, ond lle mae hyn yn wir, dylid nodi partner arweiniol yn Ffurflen Cynnig y Prosiect. Ni all unigolion gynnig prosiectau i’r Gronfa Allweddol.

Rhaid i bob ymgeisydd gael cyfansoddiad a chyfrif banc o leiaf.

Beth Sydd Ar Gael:

Cronfa Allweddol Gymunedol:

Gellir gwneud cais am hyd at £50k o refeniw a chyfalaf yn dibynnu ar natur ac effaith y prosiect. Gellir gwneud cais am gyfalaf a refeniw ar gyfer eich prosiect:

Ffurflen gais grant bach rhwng £2,000 a £10,000
Ffurflen gais grant mawr o £10,000 £50,000 (gellir ystyried symiau mwy lle gall prosiectau ddangos y gallant gyflwyno buddion lluosog).

Cefnogi prosiectau cymunedol sy’n:

Darparu mannau cymunedol, megis neuaddau pentref, mannau gwyrdd neu ganolfannau cymunedol i gymdeithas sifil leol a grwpiau cymunedol eu defnyddio;
Galluogi cynhyrchu ynni adnewyddadwy dan berchnogaeth leol a rheoli gwastraff i wella’r newid i fyw bywyd carbon isel;
Creu a gwella mannau gwyrdd lleol cymunedol, gerddi cymunedol, cyrsiau dŵr ac argloddiau, ynghyd ag ymgorffori nodweddion naturiol a gwelliannau bioamrywiaeth i fannau cymunedol ehangach;
Darparu a chefnogi gweithgareddau celfyddydol, diwylliannol, treftadaeth a chreadigol lleol dan arweiniad y gymuned;
Darparu mynediad i wasanaethau trwy gyfleusterau chwaraeon lleol;
Darparu seilwaith digidol o fewn asedau a chyfleusterau sy’n eiddo i’r gymuned.

Rhaid cwblhau pob prosiect erbyn 30 Medi 2024.

Sut i wneud cais:

Ceir manylion llawn Cronfa Allweddol Cymunedau Ffyniannus Wrecsam yn y NODIADAU CYFARWYDDYD.

Bydd angen cwblhau Ffurflen Mynegi Diddordeb ar-lein. Bydd y Swyddog Prosiect yn cysylltu â chi i drafod eich cais.

Os hoffech drafod eich syniadau, cysylltwch â:

Cadwyn Clwyd ar 01490 340500 neu AVOW ar 01978 312556